पोखरा । प्रेस सेन्टर नेपाल कास्कीको छैटौं अधिवेशनले दीननाथ बरालको अध्यक्षतामा नयाँ कार्यसमिति गठन गरेको छ । शनिबार कास्कीमा भएको उक्त अधिवेशनले बराललाई अध्यक्षमा निर्वाचित गरेको हो । उक्त अधिबेनले पुष्प दाहाललाई खुला उपाध्यक्ष, शोभा बराललाई उपाध्यक्ष महिला, सरोज अधिकारीलाई सचिव, अर्जुन हितानलाई खुला सहसचिव, प्रतिभा अधिकारीलाई सहसचिव महिला तथा खगेन्द्रप्रसाद अर्याललाई कोषाध्यक्षको जिम्मेवारी दिएको छ । त्यस्तै, सदस्यमा कोपिला सुनार, अल्चना श्रेष्ठ, बलराम तिमिल्सिना, श्रीकान्त अधिकारी, सागर गिरी, राजेन्द्र नेपाली, रमेश पोख्ररेल, कविता घर्तीमगर र प्रकाश बराल हुनुहुन्छ ।
अधिवेशनले सुरेशराज अधिकारी, हेमराज अधिकारी, फणीन्द्र अधिकारी, रामजीप्रसाद आचार्य, मीनाकुमारी थापा, सन्देश श्रेष्ठ, लक्ष्मी सुनार, राजकुमार घिमिरे, चिरञ्जीवी पौडेल (उत्तम), कृष्णमाया पोखरेल (शान्ति) र लीलानाथ आचार्यलाई प्रदेश परिषद् सदस्य चयन गरेको छ । केन्द्रीय परिषद् सदस्यमा कृष्ण दवाडी, रणबहादुर शाही (सिद्धान्त), पदम रेग्मी, नारायण शाही ढकुरी, सन्तोष परियार तथा श्यामसुन्दर पराजुली (राज) छनोट गरेको छ ।
अधिवेशन उद्घाटन गर्दै पूर्व उपप्रधान, गृहमन्त्री एवम् नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठले पत्रकारमा आलोचनात्मक चेत हुनुपर्ने बताउनु भएको थियो । उहाँले नेपालमा हुने गरेको राजनीतिक भ्रष्टीकरण तोड्नु पर्ने भन्दै त्यसतर्फ कलम चलाउन पत्रकारहरुमा आग्रह समेत गर्नु भएको थियो ।
राजनीतिक भ्रष्टीकरणका कारण नेपालमा पछिल्लोपटक भएका परिवर्तनको औचित्य पुष्टि नभएको तर्क गर्दै उपाध्यक्ष श्रेष्ठले जनजीविकाको सवाललाई उठान गर्न पत्रकारलाई सुझाव दिनुभएको थियो । उहाँले पत्रकारिताको निष्ठावान् संगठनका रुपमा प्रेस सेन्टर नेपाल भएकोले संगठनले सञ्चार क्षेत्रमा अझै शसक्त भुमिका निर्बाह गरी पहलकदमी लिन आबस्येक रहेको औल्याउनु भएको थियो।
यस्तै,प्रेस सेन्टरका केन्द्रीय उपाध्यक्ष निर्मल ज्ञवालीले जनताको पत्रकार बन्न आग्रह गर्दै सेन्टरका पत्रकारले श्रमजीवी जनताको पक्षमा कलम चलाउनुपर्ने औँल्याउनु भएको थियो ।
सोहि अवसरमा नेपाल पत्रकार महासंघका कोषाध्यक्ष रामकृष्ण अधिकारी, माओवादी नेता विश्वप्रकाश लामिछाने, सेन्टर गण्डकी इञ्चार्ज दीपक श्रेष्ठ, गण्डकी अध्यक्ष अर्जुन काफ्ले, केन्द्रीय सचिव माधव पनेरु, गण्डकी प्रेस रजिष्टार विमला भण्डारी, नेपाल पत्रकार महासंघ कास्कीका कार्यवहाक अध्यक्ष माधव रेग्मी लगायतले मनतव्य राख्नु भएको थियो ।
उक्तक्रममा उहाँहरुले पत्रकारहरुमा मिडिया साक्षरता जरुरी रहेको भन्दै कास्कीको पत्रकारितामा सेन्टरकर्मीको भूमिका महत्वपूर्ण रहेको स्मरण उल्लेख गर्नुभएको थियो । पत्रकारिताले समाज परिवर्तनमा भूमिका खेल्नुपर्ने भन्दै उहाँहरुले त्यसमार्फत जनताका आवाज मुखरित हुने औंल्याउनु भएको थियो ।