प्रेस सेन्टर नेपालको केन्द्रीय समिति संगठनको मुख्य आधिकारीक र कार्यकारी निकाय हो । यो महाधिवेशनबाट निर्वाचित गरिन्छ र विधानतः यसको कार्यकाल ३ वर्षको रहेको छ । चितवनमा २०७८ मंसिरमा सम्पन्न चौथो राष्ट्रिय महाधिवेशनबाट प्रेस सेन्टर नेपालको केन्द्रीय समिति १ सय ९९ सदस्यीय केन्द्रीय समिति चयन भएको थियो । केन्द्रीय समितिको अध्यक्ष विष्णु सापकोटा जुगल हुनुहुन्छ । केन्द्रीय समितिमा समावेशीताको सिद्धान्त अवलम्बन गरिएको छ । Read More 

नेपालमा संघिय लोकतान्त्रिक गणतन्त्र स्थापना भएपछि पहिलोपटक संघिय संरचनामा जाने संगठन प्रेस सेन्टर नेपाल नै हो । यसको संविधान अनुसारको ७ वटा भौगोलिक प्रदेश समिति, १ उपत्यका प्रदेश समिति, दुईवटा गैर भौगोलिक प्रदेश समिति (प्रष्ठिान र एशोसिएट) तथा १ प्रवास समिति गरी ११ वटा प्रदेश समिति रहेका छन् । संगठनको विधान अनुसार यसको प्रदेश समिति बढिमा ४१ सदस्यीय बनाउने व्यवस्था गरिएको छ । प्रदेश समितिमा १५ जना पदाधिकारी रहनेछन् । जसमा अध्यक्ष १ जना, वरिष्ठ उपाध्यक्ष १ जना, उपाध्यक्ष १ जना, महिला उपाध्यक्ष १ जना, समावेशी उपाध्यक्ष १ जना, महासचिव १ जना, सचिव ८ जना र कोषाध्यक्ष १ जना रहने व्यवस्था गरिएको छ । प्रदेश स्तरमा हुने संगठनको सबै निर्णय र गतिविधिको जिम्मेवारी यस प्रदेश समितिको हुनेछ । यो कार्यकारी अधिकार सम्पन्न संरचना हो । Read More 

प्रेस सेन्टर नेपालको जिल्ला स्तरको संरचना जिल्ला समन्वय समिति हो । यो कार्यकारी अधिकार सम्पन्न समिति होइन । यसले गरेको सिफारिस प्रदेश समितिले अनुमोदन गरेपछि मात्रै लागु हुने व्यवस्था गरिएको छ । जिल्ला समन्वय समिति जिल्ला अधिवेशनबाट निर्वाचित गरिन्छ । जिल्ला समन्वय समिति बढिमा २१ सदस्यीय रहनेछ भने यसमा अध्यक्ष १, उपाध्यक्ष २, सचिव १, सहसचिव २ र कोषाध्यक्ष १ गरी ७ सदस्यीय पदाधिकारी रहेको हुन्छ । महानगर समितिलाई पनि जिल्ला समितिको मान्यता र कार्यकारी अधिकार दिइएको हुन्छ । यसको संरचना जिल्ला समन्वय समिति बराबर हुन्छ ।  Read More